Ulbmil dáinna pilotain lea čálmmustahttit iežaset dujiid go 25 jagi leat čiŋahan ja bivttastan olbmuid, lohká Marit Graven, gii lea beaivválaš jođiheaddji Graveniid fitnodagas.
Viidaset lohká Graven iežaset leat dál ohcamin olmuid geat hálidit searvat prošektii mas geahččalit ullobiktasiid maid sin fitnodat buvttada. Son lohká maiddái ahte ullobivttas heive buot dilálašvuođaide ja dálkkide, ja danne hálidit iešguđet lágan olbmuid searvat sin pilotii.
Márkanastin vuohkki
Graven dadjá maiddái ahte sii hálidit dieđuid ruovttoluotta bivttasgeahččaleaddjiin sihke daid buriid ja heittot beliid. Dát lea ovttalágan márkaniskkadeapmi ja dieđuid maid ožžot hálidit sii geavahit márkanfievrridit iežaset dujiid.
Viidáset lohká graven iežaset álggahan "Graveniid duojit" nammašas facebook joavkku gos olbmot sáhtet geahčađit Graveniid buktagiid ja dieđihit iežaset bivttas geahččaleaddjin. Graven dadjá maiddái ahte facebook lea dehálaš sidjiide márkanfievrrideami oktavuođas, go doppe olahit eanet olbmuid.
Lassi bargosajit
Jurdda lea dál viiddidit duodjefitnodaga nu ahte šaddet eanet bargosajit, ja lasihit buvttadeami, Graven dadjá ahte sii duolahit ain dáid ovddeš dovddusis Graveniid biktasiid mat leat leamaš márkaniin guhkit áigge juo.
Graveniid fitnodagas lea gávpi gos olbmot sáhttet fitnat ja dasa lassin lea sis neahttagávpi. Son muitala maiddái ahte "Graveniid" lea bearašfitnodat gos su nuorat geavahit interneahtta márkannastit buktagiid ja son ieš bargá dan maid son hálddaša.
Stuorra rivdadusat
Stuorámus rievdadus dán 25 jagis maid son lea bargan dán fitnodagas lea ahte buktagat leat lassánan, ja eanaš gávppašeapmi lea dál neahttagávppis. Viidásat muitala Graven ahte go ná guhká lea bargan ulluin son diehtá masa iešguđet lágan ullut dohkkejit ja makkár bivttas galgá leat ieš guđet atnui.
Višuvnnat boahtte 25 jagis lea ahte Graveniid fitnodat lea sturron ja dat ii čága šat dán dállui loaohpaha Maret Graven.
