Duođašta sámi árbevirolašmáhtu

Solveig Joks lea golbma jagi čuvvon badjesámi bearraša Guovdageainnus. Čuvodeamis lea dál ilbman filbma ja girji, mas son čájeha mo sámi árbevierut fievrriduvvojit boalvvas bulvii.

Dutki Solveig Joks

Dutki Solveig Joks

Foto: Anne Olli / NRK

Solveig Joks filbma

Gula Solveig Joks

Golmma jagis lea Solveig Joks čohkken olu dieđuid das mo sápmelaččat bargguid bokte fievrridit árbevirolašmáhttu mánáidasaset.

Áilu čájeha filmmas mo oahppu gazzá

Áilu lea nuppelot jahkásaš bardni gean Solveig Joks lea filbmen. Filmmas oaidnit mo Áilu oahppa boazodoalu bargguid. Mo son dovdá gullevašvuođa maiddái geasseorohahkii mii lea Sievjjus. Son lea maiddái oassi mearragátte eallimis, danne go son maiddái vázzá skuvlla geasseorohagas čakčat ovdalgo fas johttájit siseatnamii.

Solveig Joks`filbma

Solveig Joks`filbma

Foto: Anne Olli / NRK

Skuvllas eai oahpa árbevieruid

Skuvllat eai nagat oahpahit árbevirolašbargguid nugo vánhemat bargguid bokte dan dahket. Ii girjjiin oahpa praktihkalaš barggu, danne lea áibba dárbbašlaš ahte mánát bargguid bokte ohppet mo boazodoalu galgá doaimmahit, dan čuoččuha Solveig Joks dutkanbarggustis.