NRK Meny
Normal

Doarjja mánáidgárdefálaldahkii Loabágis

Sámediggi lea doarjjamearrádusas lohpidan doarjaga, Ástávuona sámi mánáidgárdái, Loabát suohkanis vai sámi mánáidgárdefálaldat sáhttá bisuhuvvot.

Ástávuona mánáidgárdi

Vuorkágovva mii lea Ástávuona sámi mánáidgárddi seainnis.

Foto: Sámi giellagoahti

Sámediggi lea sierra doarjjalohpádusa bakte lohpidan Ástávuona mánáidgárdái Loabát suohkanis Romssa fylkkas gitta 130.000 ruvnno sturrosaš doarjaga.

Sámedikki mearrádusas daddjo ahte doarjja lea meroštallojuvvon Sámedikki meroštallannjuolggadusaid vuođul.

Ástávuona mánáidgárddis

Loabat suohkana ráđđeolmmái, Erling Hansen, sátnejođiheaddji, Berhard Halvorsen, veahkkebargi, Tonje Halonen ja mánná, Storm Johnsen.

Foto: sámi giellagoahti

Sámediggi juolluda doarjagiid sámi mánáidgárddiide ja dáža mánáidgárddiide main lea sámi ossodat, čállá Sámediggi mearrádusčállosis Ástávuona mánáidgárdái.