Dieđihii muohtaskohter suoláduvvon

Altaposten čállá ahte áššáskuhttáneiseváldi dieđuid mielde, de galgá muhtin almmái 20 jagiin miessemánus dán jagi viežžan Ski-doo muohtaskohtera Kárášjogas ja dolvon Dálbmeluktii. Son váiddii politiijaide ahte muohtaskohter lei suoláduvvon, ja dieđihii vahát dáhkádusfitnodahkii Gjensidige, ja diđii ahte dat ii lean suoláduvvon. Muhtin eará olmmoš maid galgá leat mielde leamaš dán dagus. Ášši mearriduvvui Álttá diggegottis dovddastanduomu geažil, ja almmái ferte čohkkát giddagasas 21 beaivve.