Ceggejit boazoáiddi riikkarájá ala

Norgga ja Suoma eiseválddit leat soahpan ođđa boazodoallokonvenšuvnna mii galgá čorget váttisvuođaid mat leat dán guovtti riikka gaskka go bohccot rasttildit rájá. Riikkarájá ala galgá ceggejuvvot 14 miilla boazoáidi. Norgga eiseválddit leat maŋimuš jagiid gártan máksit stuorra ruđaid buhtadussan Suoma beale boanddaide go Norgga bohccot leat boahtán sin gittiide.