NRK Meny
Normal

BlackSheepsii ruhtadoarjja

Finnmárkku fylkasátnejođiheaddji juolluda BlackSheeps rockejovkui ruhtaskeaŋka. 25.000 ruvnnu oažžu joavku danne go leat buorit ambasadevran Unjárgga gildii ja Finnmárkku fylkii.

Black Sheeps-joavku

The BlackSheeps

Foto: Trine Ragnhild Boine / NRK

BlackSheeps joavkkus leat njealla Unjárgga nuora, sii leat lávlu Agnete Johnsen, gitaristta Emilie Nilsen, bassista Aleksander Torygin ja rumbbuid dearpá Viktoria Eriksen. Buohkat leat njeallanuppelot jahkásaččat.

Fylkkasátnejođiheaddji illuda

Fylkesordfører Runar Sjåstad

Fylkesordfører Runar Sjåstad

Foto: Thor Thrane / NRK

Finnmárkku fylkkasátnejođiheaddji Runar Sjåstad illuda dainna go BlackSheeps joavku lea beassan Norgga Melodi Grand Prix junior finálii, mii lágiduvvo Oslos čakčamánu 6. beaivvi. Danne son lea fylkka ruhtaskáhpas roggan 25.000 ruvnnu doarjján jovkui, vai ain nagadaivčče ovdánahttit doaimmaset. Finnmárkui lea gutnin dat go BlackSheeps joavku lea beassan Melodi Grand Prix junior finálii, oaivvilda Runar Sjåstad.