NRK Meny

Bivdomokta nohkká

Guovdageainnu suohkan oaivvilda ahte stáhta luonddubearráigeahču ja politiijaid bearráigeahčču billista bivdomovtta, dan čállá Sagat áviisa. Suohkan čállá dán jagaš giđđabivdo raporttas maid leat sádden FeFoi, ahte bivdit dovdet iežaset dego rihkolažžan go SNO ja politiijat njágadit miestagiin. Boazopolitiija hoavda, Per Valved, reagere dán cealkámuššii. Go sii dán jagi bivddus duoguštedje áitojuvvon ja rukseslisttu lottiid, de lea dát cealkámuš ártet ja lihkoheapme, dadjá Valved áviisii.