NRK Meny
Normal

Beare divrras bivdit Anárjogas

Ealgabivdu Anárjoga álbmotmeahcis Finnmárkkus soaitá nohkat jus olbmot eai ozaš bivdit doppe.

Elgjakt i Anarjohka Nasjonalpark
Foto: Finnmarkseiendommen

Ealgabivdit eai šat hálit bivdit Anárjoga álbmotmeahcis Finnmárkkus, go dat šaddá nu divrrasin.

– Dál soaitá bivdu nohkat doppe, jus olbmot eai ozaš daidda guoros bivdosajiide mat doppe leat, lohká FeFo seniorkonsuleanta Arnulf Losvar.

Helikopteriin máŧkoštit

Bivdu Anárjoga albmotmeahcis addo sierralobiin, mii heive eiseválddiid suodjalannjuolggadusaide.

Doppe ii leat lohpi vuodjit makkárge mohtorfievrruin nu ahte dušše helikopter dohkke.

Dál almmuha FeFo logi bivdoguovllu rabasin, go eai leat fitnen bivdiid daidda guovlluide. Seniorkonsuleanta Arnulf Losvar ii loga vejolažžan hálbbidit bivddu, go dat máksá helikopteriin fievrredit bivdiid ja biergguid ovdanruoktot.

– Galggaše máksit bivdiide

Egil Olli

-

Foto: Thor Thrane / NRK

Sámediggepresideanta Egil Olli ádde ahte olbmot eai suitte. Son háliidivččii jorgalit váttisvuođa áibbas nuppeláhkai.

- Mun lean ieš bivdán doppe diibmá, ja dát ii lean makkárge hálbbes bivdduid. Don galggat máksit vuos dan biergohatti maid Fefo dáhttu, dasa lassin boahtá vel helikoptersáhttu olbmuide ja birgui. Šaddá viehka alla biergohaddi, lohká son.

– Jus galggašii vuoiggalaš, de galggaše suodjanlaeiseválddit máksit bivdiide vai bivdet daid elggaid nu ahte dat eai billis álbmotmeahci. Dat mii dál dáhpáhuvvá doppe lea áibbas boasttu politihkka, lohká Olli.