Bargguhisvuohta sáhttá stuorrut

Guovdageainnu suohkana alla bargguhisvuohta sáhttá šaddat vel ain stuorrát, go Stáda gáibida unnidit boazologoid, lohká suohkana sátnejođiheaddji Johan Vasara. Suohkanis lea guhká leamašan gaskal guhtta ja gávcci proseantta bargguhisvuohta. Sátnejođiheaddji sávvá Guovdageainnu otne oažžu eambo ruđaid stádabušeahtas, vai suohkan sáhttá šaddat buoret doarjut olbmuid geat áigut álggahit fitnodagaid.