NRK Meny
Normal

Árjjas presideanttaválljen

Árjja liige jahkečoahkkimis válljejedje ikte Inger Eline Eriksen bellodaga ođđa sámediggepresideantta evttohassan.

Eriksen ja Vars

Inger Eline Eriksen lea Árjja ođđa presideanttaevttohas (Doallá rásiid). Seammás guođđá Laila Susanne Vars politihka.

Foto: Preassagovva Árja

Eriksenii eai lean vuosteevttohasat ja son vállejejuvvui ovttajienalaččat bellodaga evttohassan.

Árjja dálá jođiheaddji Laila Susanne Vars guođđá politihka, ja nu leat ge ođđa presideanttaevttohasa válljen.

Eriksen lea Kárášjogas eret ja ovddasta dál Árjja Sámedikkis.

Viššalis evttohas

Árjja sámediggejoavkku čálli Jon-Christer Mudenia (21), lohká bellodaga evttohasa Inger Eline Eriksen viššalit fuolahit sutnje bargguid.

– Inger Elines leat olu jurdagat ja muhtimin measta beare olu árvalusat oktanaga, árvala Mudenia veahá leaikkas.

Árjja liige jahkkečoahkkin

Árjja liige jahkkečoahkkin lei Kárášjogas lávvordaga.

Foto: Preassagovva Árja