«Beaivvi bárdni» lea filbma mainna Gunilla Bresky lea bargamin. Dát filbma muitala Áillohaččas, Nils Aslak Valkeapääs, su eallimmis ja dáiddalašvuođas. Filbma galgá gárvánit ođđajagimánnui, TIFF/ Tromsø Internasjonale filmfestiválii,sámegillii Tromssa Riikkaidgaskasaš filbmafestiválii.
Bresky oahpásmuvai Áillohažžii 90-logus
Filbmadahkki Gunilla Bresky lea ovdal bargan «Ruoŧa Radios», ja dalle 90-logus muitala iežas oahpásmuvvan Áillohažžii. Dalle 90 logus ráhkadii Bresky prográmmaid Áillohaččain, ja dalle dat maiddái riegádii Áillohačča Loddesymfoniija.
Filmmas olu govat ja muittut
Filbmadahkki čohkke filbmii olu govaid mat muitalit Áillohačča eallimis. Ja Áillohaččas gávdnojit olu govat ja čállosat árkiivvain olles Davvi Kálohtas.
Bresky ráhkada filmma danne go hálida olles máilbmái muitalit gii Áillohaš lei, go son lei olmmoš geasa ođđa buolvvat galgašedje oahpasmuvvat. Su musihkka ja dáidda dáidá maiddái boahtteáiggis gullot ja oidnot, danne lea dehálaš muitalit Áillohaččas.