Adveantakaleandar 06.12
Ollugiidda lea okta oassi adveanttas návddašit liegga gløgga, dát juhkamuš mas leat nu olu njattit ja masa olusat leat váibmilat. Sátni "gløgg" boahtá ruoŧas ja mearkkaša liggejuvvon viidna. Lea jugus man ruohttasat leat vuolgán 1600-logus. Olmmoš smiehttá dábálepmosit gløgga birra ahte dat lea viidna mii lea njaddejuvvon, muhto lea vejolaš juhkat gløgga alkohola haga maiddá. Dalle das lea ovdamearkka dihte čáhpesjieretmáihlecohkodat masa lea biddjon kánela, njaddeneilihkka ja kardemomma. Liggejuvvo áiddo vuollel 70 grádii ja guossuhuvvo rusiinnaiguin ja mándeliiguin. Sihke mánát ja ollesolbmot liikojit gløggii, ja lea šaddan áibbas dábálaš oassi adveantačalmmustahttimis sihke ruovttuin ja bargosajiin. Dáhpi man máŋgasat áiggi mielde leat oahppan árvvus atnit.
Gløgga lea adnojuvvon leat dearvvašlaš juhkamuššan, ja máŋgga riikka historjjá mielde gávdnojit iešguđetge lágan sorttat das. Duiskkas sis lea Glühwein, masa dávjá biddjojit garrasat goaikkanasat viinna lassin.
Dáppe orru juovlamánnu leamen agálaš gløggafeasta goas mii juhkat juhkamuša lihtteriid mielde ja borrat bihpporgáhkuid ja mandariinnaid. Lea šaddan juoga man lea álki guossohit, go ii gáibit nu ollu ráhkkaneami ja eatnašat liikojit dasa. Lea álki bovdet gussiid go lea nu álkes guossoheapmi.
Mii illudat gløgga njálgga njattiid dihte, ja dávjá dovdat mii mo juovlaráfi čákŋá rupmašii go midjiide geigejuvvo gløggakohppa gihtii huššás árgabeaivvis, ja de lea guoibmái bovdejuvvot guoibmás ságastallamii mas ságastallan lea guovddážis, ii ge dat mii guossohuvvo.