Ájluovta Valástallamsiebre jådediddje Lennart Mikkelsen tjielggi dav li tsieggim gå sihti ietjas gálvojt dæhkko vuolláj.
– Dat la gárássja gånnå mij sihtap ietjam gávnijt dæhkko vuolláj. Traktor má ruosstu jus la ålggon rásjon.
Sierralágásj
Tsiekkadusán la sierralágásj hábme, ja Mikkelsen tjielggi manen la nav.
– Oattjojma arkitevtav Bådåddjos tjuorgatjit dav, ja lijggujma dasi. Dat ij galga liehket dakkár rávvis betongbloahkka dagu dá ietjá goade birrusin.
- Lågå aj:
Ietjá tsiekkadusá
Gárássja ij la ájnna majt galggi dåhku tsieggit, javllá Lennart.
– Galggap aj tribuvnajt ja kioskav dasi tsiekkadattet, gånnå galggap hálmugijt ja juhkusav vuobbdet.
Gidáj gergas
Prosjekta galggá ådåjagij maŋŋela gergas tjuoddtjot.
– Midja lip adnám moadda væhkádakbargo, ja doajvvop gidáj galggá gergas liehket.