Áššáskuhtton boastutgeavahan ámmáha

Ovddeš stáhtaráđđi, Svein Ludvigsen (72) lea áššáskuhtton go lea boastutgeavahan iežas ámmáha fidnendihtii seksuála ovttastallama nuorra dorvoohcciiguin. Vearredagut galget leat dáhpáhuvvan go Ludvigsen lei fylkkamanni Romssa fylkkas. – Son beahttala áššáskuhttima oalát, ja oaivvilda ahte ii leat rihkkon ráŋggáštuslága, dadjá Ludvigsena bealušteaddji Ulf E. Hansen.