NRK Meny

Čuohcá Finnmárkku boanddaide

- Finnmárkku eanadolliide čuohcá erenoamaš garrasit dat heajos fáláldat maid stáhta dán jagi fálái eanadoallo-šiehtadallamiin, lohká Finnmárkku boanddaid searvvi njunuš, Grethe Liv Olaussen.
Vaikko vel ráđđehus čuoččuhage ahte Finnmárkkus livčče seamma gánnáhahtii bargat eanadoaluin go muđui Norggas, de ii leat dat duohta.
- Finnmárkkus lea mealgat divrasit hukset go eanadoalus gartá juoga ođasmahttit , lohká Olaussen.
Ikte boatkanendje eanadoallošiehtadallamat stáhtain go Norgga eanadoallit leat duhtameahttumat stáhta fálaldagain.