– Eat asttaše nágget dálkkádagaid birra

Sámi Ráđi sadjásaš presideanta Olav Mathis Eira ii loga ábuhit šat digaštallat leago olbmuid sivva go dálkkádagat leat rievdan.

Olav Mathis Eira
Foto: Thoralf Balto / NRK

– Eat sáhte šat golahit áiggi digaštallat leat go dálkkádagat rievdan danne go olbmot leat nuoskkidan máilmmi bearehaga, lohká Eira.

Son lohká fertet baicca lávket ovddosguvlui, heivehit iežamet ođđa dillái ja álggahit doaimmaid mat sáhttet bissehit dálkkádatrievdamiid.

GULDAL: Fertet heivehit dálkkádatrievdamiidda