Mu namma lea Joret-Máret, lávejit gohčodit Šelgon Joreha Márehin, Marit Gaup Eira:n. Dan luođi mun gal in leat nu sihkar, gos dat lea vuolgán, muhto mun lean goit oahppan. Ja dan gal in ge dieđe geas mun lean oahppan, muhto mun lean goit oahppan.
Eai dalle láven nu ollu dat luođit, muhto dat lei goit luohti, man mun nai ohppen dalle go lean juoigan. Dat lea muhtun vári luohti dáppe Beaskáđđasis, dan alimus vári luohti.
(Dajahallá): "De jo, dál mun gal juoiggastan dan Luvddetčohká, lololo...Na soames geasi dat gal lea Beskon-eallu jorggihan dán beal jo lolola... De jo dan Lodikena jo lola..."
Girječálli Inga Ravna Eira, sámi girječálliid searvvis, lei okta dain gii čuovui seminára.
– Dát mearkkaša hui olu sámi girjjálašvuhtii ja sámi girječálliide, danin go mii leat guhká váillahan girjjiid mánáide erenomážit ja maiddai nuoraide.
Su mielas lea buorre go dákkár seminára dollo, ja muitala ahte sis lea ihttin gis bargobádji mas galget digaštallat mo galget bargat sámi mánáid girjjálašvuođain ovddasguvlui.
Son čilge ahte Sámis eai leat doarvái mánáidgirječállit, ja jus galget eambbo mánáidgirjjit de adnojit eambbo girječállit maiddái mánáid ja nuoraide.
– Jus mis galgá boahtteáiggis gávdnot sámegiella, de fertet mii álgit mánáiguin ja mánáide. Erenomážit dál galggašii dahkkot hui stuorra bargu oažžut olu sámegiel mánáidgirjji.
Son dadjá ahte mánát galggašedje álgit beassat gullat girjjiid dalán go riegádit ja gitta 13-14 jagi rádjái, muhto ahte Sámis eai leat girjjit buot daid ahkásaččaid.
– Min oainnu mielde lea hui dehálaš sámegielat mánáide oažžut dan vásáhusa, girjjit han ovddidit sámegiela ja go mánát gullet iežaset gillii girjji, dain leat máŋggalágan vásáhusa.