-Leago vejolaš soabadit?
-Leago vejolaš soabadit? Čállá sámediggeráđđeláhttu Runar Myrnes Balto kronihkas.
Muolkkuid áigot elektrifiseret, ja dál láhčet diliid prosessii mas sámit vuoittáhallet beroškeahttá loahpalaš bohtosis.
Leago vejolaš soabadit go dáhpáhuvvá olmmošvuoigatvuođarihkkun Fovsen Njaarke sámiid vuostá? Ja leago vejolaš soabadit go ráđđehus mearrida politihka mii mielddisbuktá ođđa olmmošvuoigatvuođarihkkumiid Finnmárkkus? Dat leat guovddáš gažaldagat maiguin Sámediggi šaddá bargat, ja masa mii dál háliidit oažžut cealkámušaid Sámedikki rabas gulaskuddamis duohtavuođa- ja soabadankommišuvnna raportta birra, čállá Balto
Son ávžžuha ahte sihke ovttaskas olbmot, organisašuvnnat ja ásahusat buktet cealkámušaid gulaskuddamii mas lea áigemearri čakčamánu 31. Beaivvi.