Petter karlsson vuittii FL1200 mátki
Davvi ruoŧŧelaš Petter Karlsson vuittii Finnmárkku beanavuodjengilvvu Finnmarksløpet 1200 kilomehter mátki ja nu lea son maid beanavuodjengilvvu guhkesmátki máilmmimeašttir. Son ollii Áltái ovdalaš guđa otne iđđes ja geavahii dán mátkái guhtta beaivvi, 20 diimmu ja 40 minuvtta.
Karlsson lea oassálasttán Finnmárkku beanavuodjengilvui logi geardde ovdal ja guktii lea son vuoitán ovdal.
Áltálaš Steinar Kristensen lea dál nubbin. Goalmmát sajis lea máŋga gilvaleaddji. Dál Niklas Rogne lea vel goalmmádin ja son lea Kárášjogas vuolgán. Su maŋábealde lahka leat goittot Trine Lyrek, Thomas Wærner, Kristian Walseth ja Roger Dahl.