Oanehis girdišiljuid girdibileahtat hálbot
Oanehis girdišiljuid girdibileahtat hálbot ain juo beliin ja girdiruvttot nannejuvvojit cuoŋománu vuosttas beaivve rájes 2024. Dan dieđiha Ráđđehus. Davvenjárgga sátnejođiheaddji Sigurd Rafaelsena mielas lea dehálaš Davvi-Norgii ahte girdibileahtat hálbot. Das lea stuorra mearkkašupmi sidjiide geat ásset unna gielddažiin Finnmárkkus, dadjá son. -Hálbbit hattit buoridit olbmuid árgabeaivvi máŋgga sajis, dadjá ruhtadanministtar Trygve Slagsvold Vedum.