Opptil halv pris på flyrutene i distrikta

Billettprisen på dei såkalla FOT-rutene går ned med opptil 50 prosent frå 1. april neste år.

Endringa vart annonsert på ein pressekonferanse på Gardermoen onsdag morgon.

– Dei regionale flyrutene er ein viktig del av samferdselstilbodet i distrikta. Derfor har Regjeringa vedteke å styrkje rutetilbodet og redusere billettprisane i dei komande FOT-utlysingane med avtaleoppstart i 2024, seier samferdselsminister Jon-Ivar Nygård.

Ei FOT-rute er ein avtale der staten betalar eit vederlag for at flyoperatørar skal ta på seg ruter som blir elles ville gått i minus.

Målet med ordninga til sjuande og sist å gjere det mogleg å bu i heile landet, utan for mykje «rekkeviddeangst».

Eit gryande flyopprør

FOT-rutene har brei politisk forankring på Stortinget, men ordninga er kritisert for å vere underfinansiert og rigid.

Det er mellom anna ingen familierabatt på strekningane, og passasjerane må betale flypassasjeravgift, moms og ei CO2-avgift som få andre land har på innanriks fly.

Dei nye FOT-rutene kjem mot eit bakteppe av «eit gryande flyopprør» i distrikts-Noreg, som har vore til politisk sjenanse for Støre-regjeringa.

I Hurdalsplattforma varslar regjeringa at dei vil halvere prisane på fleire av avgangane på kortbanenettet, etter eit initiativ frå Senterpartiet.

NRK har tidlegare skrive at prisane i staden har gått opp, og at talet på sete kjøpt av staten på FOT-rutene til og frå Helgeland er redusert med 7 prosent.

Samtidig er talet på tilgjengelege flysete på kommersielle ruter mellom Bodø og Tromsø for alle flyselskap redusert med 33 prosent samanlikna med februar 2019.

Morten Stordalen (Frp) seier at regjeringa «tek med den eine handa, og gir med den andre». Han viser til «Vedum-kvoten» i Luftfartsmeldingen, der taxfree-ordninga blir innskrenka.

– Det er positivt at dei halverer prisane, men det er eit stort men er.

Les også Senterpartiet skulle halvere flyprisane – i staden blir dei høgare

– Ein stor seier for folk og næringsliv i distrikta

– Ein stor seier for folk og næringsliv i distrikta, seier Erling Sande (Sp), som er leiar i Transport og kommunikasjonskomiteen på Stortinget og stortingsrepresentant for Sogn og Fjordane.

Blant tiltak som tidlegare er varsla er elektriske fly på kortbanenettet.

Hovudmålet er å starte innfasinga på FOT-rutene seinast i 2028/2029. Men regjeringa ønskjer å leggje til rette for dette allereie til neste år.

– Det norske kortbanenettet dannar eit godt utgangspunkt for å ta i bruk ny teknologi, sa samferdselsministeren under ein pressekonferanse i januar.

Les også Regjeringen vil åpne for elektriske fly på kortbanenettet allerede fra 2024

I tillegg ønskjer regjeringa at Avinor skal arbeide for å oppnå fossilfri lufthamndrift innan 2030

I dag står den norske luftfarten for i overkant av 2 prosent av dei nasjonale klimagassutsleppa.