Mieđašii bieggaturbiinnaide
Oarje-Sievjju boazodoalli Nils Henrik Sara lohká ahte son gal mieđašii bieggaturbiinnaide iežas geasseorohahkii, muhto dušše jus ieš beasašii mearridit gokko dat ceggejuvvojit.
Son oaivvilda ahte Sievjjus leat olu guovllut maid haga son birgešii jus dárbu.
– Muhto de ferten gal cuiget gokko turbiinnat galget čuožžut vai munnje lea eanemus heivvolaš. Nu ahte ii leat sihkar ahte huksejeaddji lea áibbas ovtta oaivilis, go dat boahtá čuohcat eanemusat su ruhtabursii, dadjá Sara.
Sara meidne ahte boazodoallu ja fápmohuksen sáhttiba ovttas eallit, muhto de ferteba goappašat bealit sáhttit heivehit nuppi beali dárbbuid mielde.
– Diet ferte leat čoavddus. Dialoga ja oktasaš ipmárdus, dadjá Sara.
