Vejolaš garvit konflivttaid
Lea vejolaš garvit dan, ahte beatnagat gártet bivddu áigge guovlluide gos bohccot leat. Dan oaivvilda ovddeš Norgga boazosápmelaččaid riikasearvvi jođiheaddji Nils Henrik Sara. Vahkuloahpas goddui bivdobeana Joatkás Álttás ja badjeolmmoš lea áššis váidojuvvon. Nils Henrik Sára ii bealuš dagu, muhto oaivvilda, ahte beanaeaiggádat sáhttet iskat boazodoallohálddahusas gos leat bohccot dan guovllus gosa leat bivdui mannamin. Boles lea dutkamin leago dán áššis dáhpáhuvvan láhkarihkkun.