«Eatnameamet» buoremus dokumentára
Bagadalli Suvi West dokumentára «Eatnameamet – Min jaskes dáistaleapmi» lea vuoitán Ruonáeatnamis Nuukis riikkaidgaskasaš filbmafestiválas buoremus dokumentára bálkkašumi.
– Mun anán árvvus ahte doppe leat leamašan olbmot geat leat atnán dán filmma dan dási filbman, ahte jurddašit dat sáhtašii leat okta davviriikkaid buoremus dokumentárafilmmain, dadjá West, ja giitá olles bargojoavkku.