Báktesárgosiid sárggodan
9000 jagi boares báktesárgosiid lea muhtin sárggodan Divttasvuonas. Kulturjođiheaddji Tor André Skjelbakken lea hirpmáhuvvan ja lohká dán duođalaš billisteapmin. Nordlándda fylkkagieldda kulturmuittuid ossodatjođiheaddji Geir Davidsen atná dán hui duođalažžan, go dás lea sáhka kulturmuittuin maid ii sáhte háhkat golleruđain ge. Divttasvuona sátnejođiheaddji Tor Asgeir Johansen lohká váidit ášši jus fal leat sárgon báktesárgosiid ala.