The Sixties Scoop lei vuohki mo Kanada ráđđehus fievrridii eamiálbmotpolitihka 1960:s gitta 1980:i. Ollu eamiálbmot mánát váldojedje iežaset váhnemiid luhtte eret ja biddjojedje eará bearrašiidda, geat eai gullan eamiálbmot čerdii. The Sixties Scoop čájáhus muitalage dán ahkidis ja váivves historjjá ja mo sii birgejedje dan áigodaga. Dan čállá My grande prairie now.
Sámi allaskuvllas oidnet, ahte dál lea stuorra beroštupmi oahppat sámegiela.
Ollugat leat ohcan sámegiela easkkaálgi kursii, man gohčodit SÁL1 ja SÁL2.
Buohkanassii leat 70 ohcci.
– Min váttisvuohta lea, ahte mis eai leat doarvái fágaolbmot geat sáhttet oahpahit sámegiela, muitala Sámi allaskuvlla rektor Liv Inger Somby.
Son lohká allaskuvlla dál bátnegáskki bargat strategalaččat gávdnat olbmuid geat sin lusa sáhtášedje boahtit bargui ja oahpahit sámegiela easkkaálgiide.
– Jus oažžut vel ovtta dahje guokte oahpaheaddji, de sáhttit duppalastit studeantalogu. Dalle eai leat dušše 15 studeantta, muhto 30, čilge Somby.