Eamiálbmotnisu presideantan
Eamiálbmotnisu ja senáhtor Elizabeth Warren (69) áigu hástalit Donald Trump presideanttagilvvus guovtti jagi geažes. Son áiggošii searvat kandidáhtan Demokráhtaid ovddas. Dálá presideanta Trump lea almmolaččat bilkidan Warrena go son lea muitalan ahte lea indiánasogalaš. Sihke Aftenposten ja VG leat čállán dan áššis. Warren lea earet eará čađahan DNA iskosa duođaštan dihte ahte gullá indiánaide. Trump oaivvilda ahte Warren gielista iežas gullevašvuođa indiánaide vai oččošii eanet jienaid.