Imašta guohtun-moaitámuša medias
Kárášjoga oarjebeali orohaga jođiheaddji, Klemet Amund Eira, imašta ahte báikeolmmoš Hans Oliver Hansen NRK bokte váidá ahte orohaga bohccot guhtot Porsáŋgguvuona sulluin. Dán muitala Ságat-aviisa. - Livččii dušše váldit minguin oktavuođa ovdalgo medias cuiggodit, dadjá Eira. Hansen fástida NRK:i ahte dat leat badjeolbmot geat galggašedje báikeolbmuiguin váldit oktavuođa jos háliidit bohccuid guođohit sulluin, mat Hansen čuoččoha gullet báikeolbmuide.