Moitet várálaš geainnu
Ássit E195 geaidnuguora Mátta-Várjjagis moitet alla leavttu dákko gokko leat ođasmahttán geainnu. Sør-Varanger áviisii dat Bjørkheimkryss ássit muitalit ahte leat juo máŋgii leamaš váralašvuođat dán guovllus, earret eará leat biillat ja guorbmebiillat fáhkka gártan guozastit go mánát leat leamaš sihkkelastime dahje vázzime geaidnoráigge. Stáhta geaidnodoaimmahat lea dál ožžon reivve mas gáibiduvvo unnidit leaktorájá, ásahit vázzingeainnu ja buoret geaidnočuovggaid.