– Ártet go oljoministtar oassálaste
Lákkonjárgga ovdaolmmoš Hans Ole Eira oaivvilda ahte lea ártet go oljo- ja energiijaministtar Tord Lien oassálasti 420 kilovolta linnjá rahpamii. Linjá galgá huksejuvvot gaskal Báhccavuona ja Skáiddi.
Eira oaivvilda ahte ášši lea ain eahpečielggas, danne go son váidán huksenálgima ja go Oljo- ja energiijadepartemeanta lea ain meannudeamen su váidaga. Hans Ole Eira lea dál Rátkeguolbanis (Skillemoenis), Álttás, gos son áigu hubmát stáhtaráđiin.