Kemikálafanas darvánii cohkolagas
Stuorra norgalaš kemikálafievrridanfanas darvánii cohkolagas Beringmearas bearjadaga, Nunivak-suolu lahka, oarjjábealde Alaska-rittu. Ledje fatnasa bargit geat ieža nagodedje fatnasa oažžut luovus maŋŋá darváneami, ja ii oktage galgga leat roasmmohuvvan. Amerihkálaš mearrasuodjalus dieđiha ahte fanasbárti ii galgga leat nuoskkidan guovllu, go eai leat vel gávdnan kemikálabázahusaid mearračázis. Lea NTB mii buktá dán ođđasa.