Nannet oktavuođa
Davviriikkaid ráđđi áigu nannet oktavuođa sámi parlamentáralaš ráđđái. Čoahkkimis disdaga mearridii Davviriikkaid ráđi presidium árvalit ahte Davviriikkaid ráđđi juolluda sámi parlamentáralaš ráđđái viiddiduvvon áicistáhtusa. Jus oažžu dákkár stáhtusa, de ožžot sámi áirasat vuoigatvuođa searvat Davviriikkaid ráđi lávdegoddečoahkkimiidda gos meannudit gažaldagaid mat gusket sápmelaččaide, muhto sii eai oaččo gal jienastanvuoigatvuođa.