Sámi kulturealáhusat
Boahtte vahkku lágida Kultursiida, Olmmáivákkis Davvi-Romssas beaivásaš sámi kulturealáhusaid deaivvadeami gos earret eará ealáhusat besset buktit ovdan makkár ovddasvástádusat sis leat kulturárbbi ektui. Jurdá lea ealáskahttit sámi kulturealáhusaid, gánnáheamit ja hástalusaid ektui boahtte Áiggis. Kultursiidda prošeaktajođiheaddji, Per-Johannes Marainen dadjá ahte sámi kulturealáhusain eai soaitte váilut árvvut, muhto ealáhusat oidnet dárbbu ságastallat maid lea riekta vuovdit sámi kultuvrra namas.