Eambbo sámi doaimmaide
Bargiidbellodat evttoha 55 miljovnna kruvnno eanet sámi doaimmaide go ráđđehus. Dán dahket iežaset molssaeavttu stádabušeahtta árvalusas. Bellodat lea vuoruhan álggahandoarjaga Saemien Sijte ođđa vissui, eanet ruđa Sámediggái, sámi aviisaide ja sámi kultuvrii. Sámediggeráđi lahttu Ann Mari Thomassen lohká dat lea buorre go Bargiidbellodat háliida nannet sámi áššiid. Muhto lohká bellodahkii dál álkin lohpidit miljovnnaid go leat opposišuvnnas.