Háliidit geavahit dronaid
Oarje-Finnmárkku politiijat áigot álgit geavahit dronaid, ja vurdet dál čielggadeami politiijadirektoráhtas. Politiijameašttir Morten Daae dadjá ahte politiijaguovddážis lea juo buorre vásáhus dákkáraš ávdnasiiguin go sii leat čađahan álkes geahččalemiid. Norsk Teknologiråd dadjá mannan váhkoloahpa ahte sin ávžžuhus lea ahte buot norgga politiijaguovddážat álget geavahit dronaid. Politiijadirektoráhtta dadjá ahte sii sávvet sis lea gávnnahus dán jagi loahpageahčen.