- Ii liiko go seaguhit báikkálaš hálddašeapmái

Son lea gearggus stivregoahttit Deanu čázádaga guolástanhálddahusa ja plánejit dál mo dan dahket, lohká almmái, gii mannan vahkkoloahpa válljejuvvui ođđa jođiheaddjin.

Reidar Varsi
Foto: Eilif Aslaksen / NRK

Sii eai leat vel bahkken Deanu čázádaga guolástanhálddahusa kantuvrraide, muhto leat dál vuorddašeamen ja plánemin mo galget stivregoahttit. Nu lohká almmái gii dadjá iežas lobálaččat válljejuvvon hálddahusa ođđa jođiheaddjin, Reidar Varsi.

Varsi ii liiko veahášge dasa, go sihke Birasgáhttendepartemeanta ja sámediggi seaguhit iežaset dan báikkálaš hálddašeapmái.

- Sii leat válljen ođđa olbmuid stivrii, ja dan duohken sii čužžot. Son lea ádden, ahte Helge Samuelsen ii áiggo guođđit sajis ja dasa dajan beare, ahte sii bohtet čuovvolit dán ášši viidásabbot ja oaidnit mii boađus lea, lohká Varsi.

Fáhkka guokte stivrra

Sámediggi cealká beannot jagi áigge válljejuvvon Deanu čázádaga guolástanhálddahusa stivrra dan rivttes ja lobálaš stivran, seamma dahká Birasgáhttendepartemeanta ja nu oaivvilda maid dálá stivrrajođiheaddji, Helge Samuelsen.

Leder for Tanavassdragets fiskeforvaltning

Deanu čázádaga guolástanhálddahusa dálá stivrrajođiheaddji Helge Samuelsen.

Foto: Piera Balto / NRK

Mannan vahkkoloahpa čoahkkanedje Deanu luossabreavaeaiggádat ja čievččastedje ovddit stivrra ja válljejedje ođđa olbmuid stivrii. Dan jođihišgođii Reidar Varsi. Dán stivrra ii dohkket Helge Samuelsen, ja nu leat fáhkka guokte stivrra.

- Sin mearrádus lobálaš

Ikte eat lihkostuvvan Samuelsena fitnet ságaide dán áššái, muhto jearrát Varsis mo dál?

- Dat maid earát oaivvildit dán áššis, ii oro.. ná, ožžot dadjat maid áigot, sii oaivvildit, ahte dat maid leat dahkan, doallá čázi.

GULDAL ÁŠŠI: