NRK Meny

- Bárdni ain duođalaš dilis

Nuorra nieida gii roasmahuvai skuterlihkohisvuođas Kárášjogas mánnodaga lea dál beassán guođđit Hámmárfeasta buohcciviesu, nu dieđihit buohcciviesu diehtojuohkin ossodagas. Bárdni gii roasmahuvai bahuid lea ain divššus dieđiha Davvi-Norgga Universitehta diehtojuohkin ráđđeaddi Marit Einejord. – Mii duođaštit ahte pasieantta dearvvašvuođa dilli ain lea duođalaš ja son lea garrasit roasmahuvvan.