Geologar frå Statens vegvesen reiste opp med helikopter klokka ti i formiddag.
Uvisst når vegen kan opnast
Distriktsvegsjef Jan Arild Johansen i Nordmøre og Romsdal vil ikkje spekulere i når dei kan opne vegen igjen.
- Dette har eg ikkje lyst til å spekulere i. No vil vi ha den faglege vurderinga og så vil vi ha sluttvurderinga før vi kan seie noko om dette, seier Johansen.
Ferje
Onsdag formiddag var også Statens vegvesen varsame med å kommentere kravet om ferje forbi rasstaden.
- Eg har ikkje lyst til å ha noko sterk oppfatning om dette. Dette er ganske nye prinsipp. Vi har brukt ferje tidlegare der vi har hatt stengd veg tidlegare. Før vi tek stilling til dette no må vi teste desse prinsippa inn mot sentrale styresmakter, seier Johansen.
Geologar
Geologar saumfarte onsdag formiddag rasstaden frå helikopter. Dei ser etter om det er fare for at det skal gå nye ras.
- Vi ser etter om der ligg meir stein eller om det har rast frå seg, seier Johansen.
