– Nei, vi er alltid bemanna så juleferie er nok eit ukjent omgrep for mange av oss, seier Åge Henriksen, brannmeister ved 110-sentralen i Møre og Romsdal.
Sidan 23. desember har brannvesenet rykka ut på over 20 automatiske brannalarmar (ABA) ulike stadar i fylket. Dette talet er ikkje unormalt høgt, men kan likevel by på utfordringar.
– Eit problem er når den same automatiske brannalarmen kjem frå same stad gjentatte gangar utan at det blir gjort utbetrande tiltak som hindrar at alarmen blir utløyst unødvendig, seier Henriksen.
– Vi ser på det som ei brannmelding fram til det motsette er bevist, så det er klart at det går ein del ressursar til å kontrollere desse automatiske brannmeldingane, held han fram.
- Les også:
Betre føre var..
Brannmeisteren ved 110-sentralen vektlegger likevel at dei gledeleg rykker ut ein gong for mykje enn ein gong for lite.
– Mange av dei automatiske brannalarmane skuldast damp frå dusjing, matlaging eller tekniske feil og støv, medan ein del av dei også er branntilløp i bustader og institusjonar. Difor ser vi aldri på ein automatisk brannalarm som ein bagatell, seier Henriksen.
– Vi må sjekke alle meldingar for å vere sikker på at det ikkje er brann, held han fram.
Han oppmodar likevel publikum om å gi snarleg beskjed i dei tilfella der brann ikkje er årsaka til alarmen.
– Vi ønskjer at folk tek kontakt og varslar oss dersom dei løyser ut ein alarm. På den måten kan vi avbryte utrykkinga tidlegare, og i nokre tilfelle hindre utrykking totalt sett, seier brannmeisteren.
- Les også:
Fleire alarmar knytt til matlaging i jula
Så langt i jula har brannvesenet rykka ut på om lag 80 ulike hendingar, som inkluderer alt frå brann, trafikkulukker, førebyggande tiltak og automatiske brannalarmar til å hjelpe politi eller helse.
– Med ein gong det vert glatt får vi fort meir å gjere, seier Henriksen.
Han fortel at dei også rykker ut på fleire matrelaterte hendingar i juletida.
– Det er som regel litt meir steikeomn bruk i desse tidene no enn før jul, så mange av dei automatiske brannalarmane den siste tida skuldast matlaging, seier brannmeisteren.
– Då kan det vere lurt å bruke vifter og lufte ut skikkeleg. Eit anna tips er å ikkje opne steikeomn døra for fullt med ein gong, held han fram.
- Les også:
