Tillet bygging der flodbølgja kjem

Hopp til innhold

I dag sender regjeringa ut høyringsforslaget. Fristen for å uttale seg er 10. august.

Varsling

Det er no bygt opp omfattande system for overvaking og varsling i samband med det rasfarlege området på Åkneset ved Storfjorden i Møre og Romsdal. Desse varslingssystema gjer at kommunal- og regionalminister Magnhild Meltveit Kleppa meiner at byggeforbodet kan opphevast.

- Varslingssystema som no er på plass i Åknes/Tafjord-prosjektet inneber tryggleik for menneske. Då finn vi ut at vi kan fjerne den klamme handa som har lege over dette området, seier Kleppa.

På vilkår

Regjeringa går ikkje inn for ei fullstendig opning for alle typar bygg i området. Det blir berre opna for å reise bygg som er viktige for utviklinga av lokalsamfunnet. Samstundes skal det vurderast om bygga kan plasserast andre stader. Byggeplanane skal også knytast opp mot opplegg for varsling og evakuering som sikrar at liv ikkje går tapt.

Åknes/Tafjord testar sirener

Større bølger enn tidligere antatt

- Prioriter Åkerneset

Det ustabile fjellområdet Åkerneset i Møre og Romsdal

Åkerneset er eit ustabilt fjellområde ved Storfjorden i Møre og Romsdal.
Frykt for tsunami har gjort Åkernesremna på Sunnmøre til verdas mest overvaka fjellskred.
Eit skred i fjorden vil føre til enorme flodbølgjer. Hellesylt og Geiranger er dei mest utsette bygdene der bølgehøgda ved eit skred av heile fjellpartiet kan nå 85 og 70 meter opp på land.
Området er klassifisert som eit høgrisiko-objekt og blir overvaka døgnet rundt. Overvakinga skjer ved hjelp av måleinstrument. Dette er mellom anna strekkstag, laser, radar, GPS, klimastasjon, seismisk overvaking og overvaking i djupe borehol.
Rundt Storfjorden er alle registrerte med telefonnummer, og vil bli varsla om eventuelt ras. Det vil også bli sendt ut tekstmeldingar på fleire språk til turistar.
Flodbølgja kan gjere stor skade langs heile fjordsystemet, frå inste fjordbotn til øyane ute på kysten.
Frå beredskapssenteret Åknes/Tafjord Beredskap IKS kan det varslast direkte til befolkinga gjennom tyfonar eller automatisk telefonoppringing.
NVE har dei siste åra forsøkt å finne ut om det er mogleg å delvis stabilisere fjellet ved drenering eller senking av grunnvassnivået. I september 2021 konkluderte dei med at det er realistisk.

Kjelder: www.tafjord-aknes.no/NVE

Sjukeheimar og sjukehus kan ikkje etablerast i sona som er utsett for flodbølgje frå det store steinskredet. - Dette er bygg som alltid må vere i beredskap, og som det vil ta tid å evakuere. Andre bygg som også må vere i beredskap, som brannvesen og politi kan heller ikkje etablerast der flodbølgja kan kome, seier Kleppa.

Bremsekloss

Byggeforbodet langs Storfjorden er blitt oppfatta som ein bremsekloss for næringslivet i området. Både lokalpolitikarar, næringslivet og fagrørsla har pressa på for å få oppheva forbodet. Dette har ikkje vore noka lett sak, seier Kleppa.

- Dette er ei sak med vanskelege avvegingar. Konsekvensen av avgjerda vår kan få alvorlege følgjer for lokalsamfunna langs Storfjorden. Men dei har funne løysingar på slike utfordringar i andre land. Då må vi og klare det, seier Magnhild Meltveit Kleppa.