Strømløst flere steder i fylket

Kan ta heile dagen å få att straum

Rundt 500 kundar er utan straum i Nordvestnett sitt område. Lynet har slått ned over eit breitt geografisk område. Dette gjeld Tresfjorden i Vestnes, Overøye i Fjord kommune, og Brusdalen-området utanfor Ålesund og Flemsøya på Nordøyane. Nordvestnett jobbar framleis med å kartlegge omfanget av skadane som lynet har forårsaka, og det kan det i verste fall kan gå heilt til kvelden før alle kundane har fått tilbake straumen. – Vêret var ekstremt. Det som gjorde dette så omfattande er at vi hadde så mange samtidige feil, så vi må spreie mannskapet vårt over eit stort geografisk område. Det er litt uvanleg at det skjer, seier administrerande direktør i Nordvestnett, Stein Bergheim.

Alle kundar i Aure har straum

NEAS har utbetra feilen som gjorde at kundar på Ertvågsøya og Tustna i Aure var utan straum.

76 utan straum på Søre Sunnmøre

Fleire kundar har no fått att straumen att på Søre Sunnmøre. 76 Mørenett-kundar er framleis berørte. Dette gjeld i Herøy, Sande og Volda. Nokre får aggregatforsyning til feilen er fiksa.

Framleis mange utan straum

Straumen har gått mange plassar i fylket i går og i natt. Nokre har fått den tilbake, medan noko utbetringsarbeid er utsett til torsdag morgon. På Søre Sunnmøre ser 210 Mørenett-kundar framleis ut til å vere utan straum. Nordvestnett har nokre kundar utan straum i Fjord og 26 i Vestnes, medan nord i Ålesund er det 130. På Ertvågsøya og Tustna i Aure er Neas-kundar utan straum. 1320 kundar av Istad nett blei berørt av straumstrans i Hustadvika, men alle skal no ha fått straumen tilbake. Lynnedslag er truleg årsaken til utfalla.

Hald deg oppdatert gjennom natta

NRK Møre og Romsdal tek opp att oppdateringane om følgjene av straumbrot i morgon tidleg.

I mellomtida kan du halde deg oppdatert på sidene med driftsmeldingar frå nettselskapa:

Mørenett, Nordvestnett, Stranda Energi Nett, Sykkylven Energi Nett Istad Nett og Neas Nett.