Det er første gong at det tyske magasinet inviterer lesarane sine til å stemme fram stitt favorittmøbel. I juni 2012 lanserte «Wohndidee» konkurransen. Til saman blei det lista opp 128 forskjellige møblar, innan 13 kategoriar. Kategoriane var delt inn i forskjellige typar sofaer, kvilestolar, skapmøblar, senger, stolar og bord.
Det er i klassen for kvilestolar at Ekornes Stressless Jazz nådde heilt til topps.
– Vi set stor pris på denne positive tilbakemeldinga frå konsumentane i den største møbelmarknaden i Europa, seier marknadsdirektør Runar Haugen i Ekornes.
Ekornes har også tidlegare fått prisar for Stressless Jazz. I 2008 fekk dei «Merket for god design» for denne stolen.
«Wohnidee» er eit tysk interiørmagasin som kjem ut ein gong i månaden. Magasinet har over 600.000 lesarar, og har også eiga nettside.
