Skummel skapning skjuler seg i juletreet - Sjekk katten for flått

Flåtten lever, sjølv om han normalt ikkje er aktiv på vinters tid. Men han overvintrar. Og særleg på snørike vintrar overlever han i hopetal. Granbuskene er ynda overvintringsplassar for flåtten.

– Ja, flåtten overlever godt vintrane. Og særleg på ein snørik vinter som denne, fortel veterinær Olaf Birkeland til NRK.

• - Flåtten er den norske vampyren
• - Ta inn treet i etappar

– Trudde ikkje det var sant

Dei siste åra er veterinær Olav Birkeland blitt kontakta av folk som har flått på katten sin i jula. Første gongen trudde han ikkje det kunne vere sant.

• Flåttsesongen er ikkje over

• Fryktet flåttår uteble

– Sjekk katten

Olaf Birkeland seier det er katten som er det husdyret som kan vere mest utsett for flått frå juletreet. Flåtten ligg i skjul i juletreet og ventar til katten kjem nær.

– Kattane er mest utsett. Nokre av dei likar godt å klatre i juletrea, og då kjem dei snublande nær flåtten. Men har du ein hund som likar å drikke av vatnet på juletrefoten for eksempel, så blir han også utsett. Også menneske som kjem nær juletreet kan jo også bli utsett for dette, seier han.

• Skal lage vaksine mot flått
• - Flått-frykten er overdrevet

Flåtten vaknar i varmen

Flåtten lever, men er ikkje aktiv i kulde. På milde vintrar kan flåtten vere aktiv også ute i naturen året rundt. I kuldeperioden heile Noreg opplever no, skal flått normalt ikkje vere noko problem. Men flåtten på juletreet vaknar fort når treet kjem inn i varmen.

– På Vestlandet har vi hatt desembertemperaturar opp i 12/15 grader. Då har flåtten vakna. På same måten vaknar flåtten på treet når dette blir teke inn for pynting. Det er lurt å sjekke katten godt, første veka etter at juletreet er teke inn i huset, seier Olaf Birkeland til NRK.

• Får inn hundrevis av flått
• - Hjorten er ikkje skuld i flåtten
• Flått skaper problemer for sykehus
• - Økende problem at dyr blir syke av flått-bitt
• Flåtten kommer nordover
• Slik smitter flåtten
• Nå skal flåtten avsløres