Ulukka skjedde ved avkøyringa mot Aureosen. I alt tre bilar var involverte.
– Ein av bilane kom køyrande inn på vegen og trefte ein bil som kom i mot, seier operasjonsleiar Sigvart Sivertsen ved Nordmøre og Romsdal politidistrikt.
Ni personar i bilane
I alt var det ni personar i bilane som var involvert i ulukka. Den tredje bilen kom køyrande bak ein av bilane som kolliderte. Ingen av dei tre som sat i denne bilen blei skadd.
– Bilane har fått store skadar og måtte hentast av bilbergingsfirma, seier Sivertsen.
Vegen var ei stund open i eitt køyrefelt og trafikken blei dirigert forbi.