Hydrodirektør Bengt Lie Hansen, Aukraord førar Aud Mork og prosjektleiar for landanlegget, Terje Uthus. Foto: Gunnar Sandvik
Ordførar Aud Mork i Aukra kommune fekk æra av å ta det første, symbolske spadetaket på det gigantiske landanlegget for Ormen Lange.
Ganske snart vil 600 mennesker vere i arbeid i Nyhamna. I 2006 vil mellom 2000 og 2500 menneske arbeide med utbygginga av landanlegget, seier prosjektdirektør for landanlegget Terje Uthus. Mellom 10.000 og 12.000 arbeidarar vil vere innom for å gjere arbeid der dcei komande åra.
Størst i landet
Ormen Lange-utbyggingen blir den hittil største industriutbygginga i Noreg. Prislappen er 66 milliardar kroner for offshorearbeida, røyrleidningane og landanlegget til saman. Utbygginga skal vere ferdig i 2007, og det meste av gassen som vert produsert skal eksporterast til England.
Det kostar 2 millionar kroner i timen fram til 2007 å byggje ut Ormen Lange, men dei komande 30 til 40 åra vil det gje inntekter på 3 millionar i timen.
Etter dagens kronekurs er Ormen Langegassen verd mellom 400 og 500 millionar kroner. Det meste av dette er inntekter for den norske stat.
Gigantisk
Dimensjonane er ufattelege på dette gigantprosjektet. Ormen Langefeltet er Noregs nest største gassfelt etter Trollfeltet. Det vil gjere Noreg til verdas tredje største gassnasjon etter Russland og Kanada.
66 milliarder kroner skal investerast, meir enn 16 milliarder til landanlegget. Alt dette for å hente gass frå reservoaret 2800 meter under havflata.
24 brønner skal byggast, nesten 1000 meter nede på havbotnen, på kanten av det enorme undersjøiske Storeggaraset, 120 kilometer utanfor kysten.
Ein heilt ny teknologi som sprengjer grenser må til for å gjere dette.
Etter ein politisk og økonomisk drakamp blei det bestemt å føre gassen i land til Nyhamna - gjennom røyr skal det årleg fraktast gass som tilsvarer heile Noreg sitt energiforbruk.
Etter behandling på Aukra skal gassen sendast til Europa og England gjennom verdas lengste undersjøiske røyrleidning, Langeled.
I dag blei altså starten på denne nye moderne sagaen om Ormen Lange markert med eit lite spadestikk ute i Nyhamna i den lille øykommunen Aukra – ein kommune som årleg vil få meir 90 millionar kroner i skatteinntekter frå Ormenanlegget.