Pårørande er varsla.
Politiet har ingen mistanke om straffbare forhold.
– Med bakgrunn i de undersøkingane vi har gjort og den informasjonen vi har, har vi ingen grunn til å tro at det ligg føre noko straffbart i forbindelse med hendinga, seier operasjonsleiar i Møre og Romsdal politidistrikt, Leif Arne Mork.
Politiet vil gjennomføre vidare undersøkingar torsdag.
Vitne skal ha sett fallet
Onsdag morgon fekk naudetatane melding om ein person som hamna på bakken etter eit høgt fall. Vedkomande skal ha falle frå ein balkong i ei bygning i Sunndalsøra på Nordmøre. Balkongen ligg i 2. etasje.
Vedkomande vart floge kritisk skadd til St. Olavs hospital i Trondheim.
Det var eit vitne på staden som skal ha sett delar av hendinga. Det var vitnet som kontakta naudetatane.
– Vitnet skal ha sett sjølve fallet, seier Molnes.
Politiet var på staden i morgontimane for å etterforske saka. Innsatsleiar på staden, Kjersti Vestavik, sa da at dei prøvde å finne ut av kva som har skjedd.
– Vi kartlegg taktiske og tekniske spor. Vi har også snakka med folk, seier Vestavik.