– Menn føler dei er mindre mann og kvinner føler dei er mindre kvinne, og dei lurer på om partnaren framleis vil ha dei, seier sexolog og kreftsjukepleiar ved Radiumhospitalet i Oslo, Randi Gjessing.
Dei fleste mannlege kreftpasientar som oppsøker henne slit med ereksjon og dei fleste kvinner slit med manglande lyst.
Redde for å snakke om sex
I 2013 fekk over 30 401 nordmenn kreft og mange vert merka for livet. Sexolog Randi Gjessing meiner at dei som jobbar med kreftpasientar må verte flinkare til å snakke om sex.
– Mange trur nok at dei kan for lite og dei er redde for å bry pasienten, men pasientane må få vite kva endringar ein kan merke og kva ein kan gjere med det.
I tillegg til fysiske endringar, kan også manglande energi og psykiske sperrer gjere at mange kreftpasientar synest det er vanskeleg å ha eit normalt sexliv.
– Nekta å gi opp sex-livet mitt
Trebarnsmora Anne Marthe Øverås (47) frå Ålesund har vunne kampen mot kreften i underlivet to gongar.
Ho skulle ønske nokon spurte henne om seksuallivet hennar då ho var inne til kontrollar etter ho hadde fått kreftdiagnosen.
Ved mange store sjukehus får pasientar tilbod om å snakke med sexologar, men mindre sjukehus har oftast ikkje slike tilbod.
– Eg huskar eg tenkte at eg nekta å gi opp sex-livet mitt, fortel 47-åringen.
Menge slit
Roy Aleksander Farstad (30) frå Lepsøy i Haram er tidlegare leiar av ungdomsgruppa i Kreftforeininga, og han trur mange slit med sex-livet etter at dei har fått kreft.
Roy Aleksander
, men på grunn av at sjukdomen ikkje er aggressiv kan han leve eit langt liv med kreft.– Det er normalt at sexlivet ditt ikkje fungerer slik det skal når du har hatt kreft, men ein må tore å snakke om det, seier han.
– Det er ikkje så lett å gå og klage over sex-livet til ein kreftpasient, men det er viktig å sette ord på det ein føler.
– Ver nær kvarandre og vis omtanke
Roy Aleksander Farstad er singel og seier det er mange single som vegrar seg for å gå ut på byen for å sjekke igjen etter dei har hatt kreft.
Når det gjeld kreftpasientar som er i eit forhold, trur han at det er mange pårørande som er redde for å vere borti partnaren sin.
– Det er viktig å vere nære kvarandre. Ta partneren i armkroken og vis omtanke.