Koronasmitte ved sjukehusapotek

45 sett i karantene i Ålesund

Kommunelegen i Ålesund har fått inn melding om to nye tilfelle av koronasmitte i Ålesund. Til saman 45 personar er førebels sett i karantene. Den eine smitta er nærkontakt og i familie med ein av dei som blei smitta ved Sykehusapoteket i Ålesund. Vedkommande sett allereie i karantene då smitte vart påvist. Det opplyser kommunen.

Den andre personen fekk påvist smitta i går kveld. Vedkommande har ikkje symptom på sjukdom. Vedkommande deltok måndag på ei korpsøving i Ålesund før han fekk vite at han kunne vere smitta. Korpset er informert, og nærkontaktane, familie og arbeidskollega er sett i karantene. Vedkommande deltok òg på ei treningsøkt. Her er 14 personar sett i karantene.

To nye smitta i Sula

Det er registrert to nye koronatilfelle i Sula i kveld. Alle nærkontakter er sett i karantene. Det er no fjorten koronatilfelle i Sula. Nokre få har fått smitta frå ei gudsteneste i frikyrkja, medan dei fleste kan sporast tilbake til utbrotet ved sjukehusapoteket i Ålesund, skriv Sunnmørsposten.

To nye smittetilfelle i Sula

To personar har fått påvist korona i Sula kommune. Begge tilfella kan sporast tilbake til smitteutbrotet på sjukehusapoteket i Ålesund, opplyser kommunen i ei pressemelding. Den eine personen deltok i gudsteneste søndag, og dermed må 170 personar i karantene. Desse blir testa i løpet av dagen.

Nytt smittetilfelle i Sula

Kommuneoverlege i Sula, Marianne Bjerkevåg, forteller til NRK at det er et nytt smittetilfelle av korona i Sula i dag. Den smittede har vært i nærkontakt med noen fra sykehusapoteket, og vedkommende satt i karantene fra før av. – Vi føler at vi har kontroll, sier Bjerkevåg.

Nye smitta i Ålesund

To nye personar har fått påvist koronasmitte i Ålesund. Begge er knytt til utbrotet ved Sjukehusapoteket i Ålesund. Åtte personar har no fått påvist smitte i samband med dette utbrotet.