Dei to personane som blei sendt til St. Olavs hospital etter ei møteulykke på Frei i Kristiansund, er moderat til lettare skadd. Det opplyser politiet etter å ha fått ei oppdatering på helsetilstanden frå sjukehuset. Det var først sagt at dei to var alvorleg skadde.
Riksveg 70, Bolgavatnet på Frei i Kristiansund, er open att for trafikk etter ulykka tidlegare i dag. Det opplyser Statens vegvesen.
To personar er flogne til St. Olavs hospital i Trondheim etter møteulykka på Frei i Kristiansund. Ifylgje innsatsleiaren på staden er dei alvorleg skadd. Den tredje personen er sendt til sjukehus i ambulanse.
Det er sendt luftambulanse til trafikkulykka på Frei i Kristiansund, der to bilar kolliderte, opplyser politiet. Skadeomfanget er ukjent. Det var til saman tre personar i bilane. Ifylgje operasjonsleiar Tor-Andre Gram Franck er det svært glatt på ulykkesstaden.
Riksveg 70, Bolgavatnet på Frei, er stengt etter ei trafikkulykke der to bilar kolliderte. Politiet opplyser at vegen kjem til å bli stengt ein periode framover.
