Det er svært jamt i toppen i 1. divisjon handball for menn.
– Kvar kamp er som cupfinalen no i sluttspurten, seier KHK-trenar Gunnar Magnusson til NRK.
Les også:
Direkte opprykk er no utanfor rekkevidde for KHK. Men kvalikplassen er i boks dersom laget frå nordmørsbyen vinn dei to siste kampane.
Spennande
Det er altså svært spennande tider for Kristiansund Handballklubb. Det meiner trenaren, Gunnar Magnusson, er udelt positivt.
– Det er sånn det skal vere. Det er berre kjempeartig for gutane og klubben å spele så viktige kampar. Det er ei bra erfaring for oss alle.
– Og du trur det går bra til slutt?
– Eg har tru på gutane. Vi skal gjere alt vi kan, og vi kjemper til siste sekund. Men om vi ikkje klarer å rykke opp i år, så er vi godt forberedt til å klare det neste år, seier Magnusson.
Stor interesse
Interessen for handball er stor i Kristiansund for tida. Også i Magnussons heimland Island er det interesse for den spennande sluttspurten til KHK.
– Det er mykje meir interesse no enn før, og det er kjempeartig, slår trenaren fast.
